បទសម្ភាសន៍មួយអាចបំបែកឯកភាពនៃទីកន្លែង ពេលវេលា និងសកម្មភាពនៃឈុតមួយបាន៖
ប្រសិនបើផ្នែកសម្ភាសន៍ និងរឿងរ៉ាវដែលនៅសេសដល់ ត្រូវបានថតនៅពេលវេលា និងទីកន្លែងខុសគ្នានោះ វាអាចមានបរិបទមិនសមស្របគ្នា។ បើសិនជាភាពខុសគ្នានេះមិនមែនធ្វើឡើងដោយចេតនាទេនោះ គួរតែថតបទសម្ភាសន៍នៅនឹងកន្លែងជាក់ស្តែង ដើម្បីមានភាពងាយស្រួលក្នុងការបញ្ចូលទៅក្នុងសេចក្តីរាយការណ៍។
ភាពច្រំដែលនៃប្លង់ដូចគ្នាបង្កភាពរាំងស្ទះដល់ដំណើរទៅមុខនៃការរៀបរាប់រឿង
យកល្អ អ្នកគួរតែជៀសវាងប្រើសម្រង់រូបភាពវីដេអូផ្សេងៗក្នុងបទសម្ភាសន៍តែមួយដែលត្រូវបានបង្ហាញក្នុងពេលវេលាខុសៗគ្នានៃសេចក្តីរាយការណ៍។ ប្រសិនបើអ្នកចង់ប្រើរូបភាពដូចគ្នានេះម្តងហើយម្តងទៀត ជារឿយៗនោះ អ្នកត្រូវយកចិត្តទុកដាក់ពីស៊ុមផ្សេងៗគ្នានៃប្លង់នេះ និងសិក្សាពីចង្វាក់នៃការប្រើប្រាស់រូបភាពច្រំដែលនេះនៅទូទាំងរឿង។
លំដាប់លំដោយនៃការបង្ហាញបទសម្ភាសន៍របស់អ្នកសារព័ត៌មាន ប្រាប់ពីសារដែលគាត់ចង់ឲ្យ
សម្រាប់សេចក្តីរាយការណ៍មួយដែលមានលក្ខណៈមិនលម្អៀង អ្នកយកព័ត៌មានត្រូវបង្ហាញគ្រប់ជ្រុងនៃមតិទាំងអស់ (ស្រប និងប្រឆាំង) ជុំវិញប្រធានបទមួយ។ លំដាប់នៃការបង្ហាញពីការយល់ឃើញខុសៗគ្នានេះ មិនមែនធ្វើដោយអចេតនាទេ។ វាឆ្លុះបញ្ចាំងពីជម្រើសនៃគោលបំណងមួយដែលត្រូវបានបញ្ជាក់ដោយអ្នកយកព័ត៌មាន ក្រោមទំនួលខុសត្រូវរបស់គាត់។
បទសម្ភាសន៍១ ឆ្ងាញ់ + បទសម្ភាសន៍២ តែវាថ្លៃ = គោលគំនិត « យើងមិនគួរទៅភោជនីយដ្ឋានហ្នឹងទេ »
បទសម្ភាសន៍១ ថ្លៃ + បទសម្ភាសន៍២ តែវាឆ្ងាញ់ = គោលគំនិត « ទៅភោជនីយដ្ឋាននោះ ត្រូវចំណាយប្រាក់ច្រើន »
តើមានបទសម្ភាសន៍ប៉ុន្មាននៅក្នុងសេចក្តីរាយការណ៍មួយ ?
អ្នកទស្សនាអាចចងចាំបានតែឈុតសម្ភាសន៍ដំបូង និងចុងក្រោយប៉ុណ្ណោះ។ ភាគច្រើន ពួកគាត់តែងតែភ្លេចឈុតសម្ភាសន៍កណ្តាលៗ (ប្រសិនបើសេចក្តីរាយការណ៍មានសម្ភាសន៍ ៤ ឬ ៥)។ ដូច្នេះ ត្រូវយកចិត្តទុកដាក់ជាពិសេសទៅលើឈុតសម្ភាសន៍ទាំងនោះ ដោយត្រូវគិតតាំងពីការបែកចែកជាឈុត ឬប្លង់ ប្រវែង និងការអត្ថាធិប្បាយជុំវិញការណែនាំអំពីបទសម្ភាសន៍។
តើគេអាចបញ្ចប់ត្រឹមបទសម្ភាសន៍ដែរឬទេ ?
គេតែងតែនិយាយជារឿយៗថា អ្នកយកព័ត៌មានត្រូវបញ្ចប់សេចក្តីរាយការណ៍របស់ខ្លួនជាមួយនឹងពាក្យសម្តីរបស់គាត់។ បើមិនបន្ថែមការអត្ថាធិប្បាយបន្ទាប់ពីការបញ្ចប់នៃសម្ភាសន៍ចុងក្រោយទេនោះ គឺវាមានន័យថា ផ្តល់អាទិភាពដល់យោបល់របស់អ្នកទទួលការសម្ភាសន៍។ លើកតែក្នុងករណីបទសម្ភាសន៍អំពីជីវិត ទើបប្រយោគចុងក្រោយអាចទុកឲ្យអ្នកទទួលបទសម្ភាសន៍ជាអ្នកបញ្ចប់បាន។
តើគេអាចចាប់ផ្តើមជាមួយបទសម្ភាសន៍បានដែរឬទេ ?
ការចាប់ផ្តើមសេចក្តីរាយការណ៍ជាមួយពាក្យសម្តី គឺជាការផ្តើមមួយដ៏ល្អ។ វាមិនមែនជាបទសម្ភាសន៍ទេ តែវាជាសំឡេងផ្ទាល់ដែលត្រូវបានថតនៅកណ្តាលព្រឹត្តិការណ៍ ហើយដែលត្រូវបានប្រើប្រាស់ដើម្បីផ្តើមប្រធានបទមួយប្រកបដោយភាពស្វាហាប់។ ក្នុងករណីចាប់ផ្តើមជាមួយបទសម្ភាសន៍របស់នរណាម្នាក់ ត្រូវប្រាប់អ្នកអត្ថាធិប្បាយជាមុនដើម្បីកុំឲ្យគាត់បញ្ចប់ប្រយោគរបស់គាត់ដោយឈ្មោះរបស់អ្នកសារព័ត៌មានក្នុងក្រុម។ នៅពេលដែលចាប់ផ្តើមជាមួយបទសម្ភាសន៍ ការបង្ហាញឈ្មោះអ្នកសារព័ត៌មានអាចរំខានដល់ការយល់រឿងរបស់អ្នកទស្សនាបាន។
ចង់លាក់បាំងមុខរបស់អ្នកទទួលបទសម្ភាសន៍មែនដែរឬទេ ?
មានវិធីខុសៗគ្នាក្នុងការធ្វើឲ្យរូបភាពព្រិល ដើម្បីលាក់មុខមាត់របស់អ្នកផ្តល់បទសម្ភាសន៍ដែលចង់រក្សាអត្តសញ្ញាណរបស់ខ្លួន៖
- ថតបញ្ច្រាស់ពន្លឺ ល្បិចដាក់រូបភាពតំណាងជំនួស ដូចជារូបគំនូរជាដើម
- បំលែងសំឡេង…
វិធីទាំងអស់ត្រូវបានបង្កើតឡើង ដើម្បីការពារអត្តសញ្ញាណ ឬកេរ្តិ៍ឈ្មោះរបស់ប្រភពព័ត៌មាន ប៉ុន្តែអ្នកត្រូវដឹងថា វាផ្ទុកនូវសារដែលបង្កប់នូវភាពស្រពិចស្រពិលច្រើន