Menu

01.၁။ နေ့စဥ်မှတ်တမ်း

သတင်းထောက်တစ်ဦး၏နှလုံးအိမ်ထဲမှ တောင့်တအပ်သောအရာတစ်ခုရှိပါတယ်။ အဲဒါကတော့
မျက်မှောက်ကာလမှာ ဘာသတင်းတွေထူးသလဲဆိုတာကို သိချင်စိတ်ပါ။ သူကသတင်းအသစ်တွေကို
လူသားများနှင့်မျှဝေဖို့အတွက် အစဥ်စောင့်စားနေသူတစ်ဦး လည်းဖြစ်ပါတယ်။ အခြားသူတွေကို သတင်း
ဖြန့်ဝေဖို့အတွက် သူ့၏ဘေးပတ်ဝန်းကျင်မှာ ဘာတွေဖြစ်ပျက်နေလဲဆိုတာသိဖို့လိုအပ်ပါတယ်။ သူ့ရဲ့တာဝန်က မှန်ကန်တဲ့ အကြောင်းအရာတွေကိုလက်ဆင့်ကမ်းပေးကာ ရိုးသားမှုရှိတဲ့ သတင်းတွေပေးနိုင်ဖို့ အတွက်
သတင်းအမှားနဲ့အမှန်ကို ကွဲကွဲပြားပြားသိအောင်လုပ်ခြင်းပဲဖြစ်ပါတယ်။ သိရှိလာရသော မှန်ကန်တဲ့ သတင်းတွေပါတဲ့ စာရင်းတစ်ခုကိုသူ့ရဲ့နေ့စဉ်မှတ်တမ်းတွင်ရေးမှတ်ထားရပါမယ်။

နေ့စဥ်မှတ်တမ်းကောင်း = သတင်းစာကောင်း

စံချိန်စံညွှန်းပြည့်၀သော သတင်းဆောင်းပါးအချက်အလက်များပါဝင်သည့် သတင်းစာတစ်စောင်ဟာ

၎င်းကို ဖန်တီးပုံဖော်မည့် နေ့စဉ်မှတ်တမ်း၏အရည်အသွေးပြည့်မှီမှု နှင့် တိုက်ရိုက်အချိုးကျပါတယ်။

လေးနက်မှုများဖြင့် ပုံဖော်ထားသောနေ့စဉ်မှတ်တမ်းတစ်ခုကို အပိုင်းသုံးပိုင်းဖြင့် ဖွဲ့စည်းထားပါတယ်။

လတ်တလောရေပန်းစားနေသော သတင်းများအပိုင်း  ရေပန်းစားသတင်းဆိုသည်မှာလတ်တလောဖြစ်ရပ်

အကြောင်းအရာများကို ခြေခြေမြစ်မြစ်ရှိတဲ့ သတင်းအရင်းအမြစ်များမှ နေ့အလိုက်ထုတ်ပြန် ကြေညာ

ထားသော စာရင်းတစ်ခုဖြစ်ပါတယ်။ ၎င်းဟာ သတင်း ပြင်ဆင်ရန် အတွက်အထောက်အကူပြုပါတယ်။

ဥပမာ – ယနေ့နေ့လယ်တွင် ပြောကြားမည့် သမ္မတကြီး၏မိန့်ခွန်း အကျဉ်းချုပ် ထည့်သွင်းနိုင်ရန်

ကော်လံတစ်ခုနဲ့တစ်ဝက်စာ ဆောင်းပါးတစ်ပုဒ်ကို မနက်ဖြန်အတွက် ပြင်ဆင်ထားမယ် ဆိုတာမျိုး။

ကြိုတင်ပြင်ဆင်ထားနိုင်သည့်နောင်လာမည့်သတင်းများအပိုင်း  နောင်လာမည့်သတင်းများအပိုင်း ဆိုသည်မှာ မကြာမီရက်ပိုင်းအတွင်း၊ ရက်တို ၊ ရက်ရှည် ၊ ပုံမှန်ကာလများမှာ ဖြစ်လာနိုင်သည့် သတင်းများရေးသားခြင်းကိုဆိုလိုပါတယ်။အနာဂါတ်မှာဖြစ်လာနိုင်မယ့်အကြောင်းအရာကို ကြိုတင်ခန့်မှန်းကြည့်စေနိုင်ပါလိမ့်မယ်။

ဥပမာ – ယမန်နှစ်ကဖြစ်ပွားခဲ့သော ပြည်တွင်းပဋိပက္ခများရဲ့ နှစ်ပါတ်လည်နေ့မတိုင်မီ လူမှုပတ်ဝန်းကျင်

အခြေအနေအကျဉ်းချုပ်ကို သုံးသပ်မှုပြုလုပ်ရန် လိုအပ်သည့် တွေ့ဆုံမှုများအတွက် ကြိုတင်စီစဉ်ထားခြင်း မျိုးဖြစ်ပါတယ်။

ရွေးချယ်ထားသောသတင်းများအပိုင်း  ရွေးချယ်ထားသောသတင်းများအပိုင်းဆိုသည်မှာ ကိုယ့်ရဲ့ အချက်

အလက် အကြောင်းအရာများကို တန်ဖိုးကြီးကြီးမားမားထပ်ဖြည့်ပေးခြင်းပင်ဖြစ်ပါတယ်။ ၎င်းကရရှိထားတဲ့ အကြောင်းအရာတွေရဲ့အစီအစဥ်ပိုင်းမှာ လတ်တလော ရေပန်းစားနေသော သတင်းများနှင့် နောင်ဖြစ်လာနိုင်မည့် သတင်းများရဲ့ အဖြည့်သဘော၊ ဒါမှမဟုတ် အခြားရှုထောင့် တစ်ခုအဖြစ်နဲ့ ထပ်မံထည့်သွင်း ရေးသားစေနိုင်ပါတယ်။

ဥပမာ – လတ်တလောသတင်းကစိတ်ဓါတ်ကျစရာပဲ။ အမြဲလိုလိုရယ်စရာပြောတတ်သည့် လမ်းထောင့်

ကုန်စုံဆိုင်မှ ဆိုင်ပိုင်ရှင်ကို သွားရောက်တွေ့ဆုံမေးမြန်းဦးမှပဲ ဆိုတာမျိုး။

အုပ်စုလိုက်အလုပ်လုပ်ကြသည့်အခါမျိုးတွင် အားလုံးဝိုင်းဖွ့၍ဲ စာရင်းပြုစုထားသော နေ့စဉ်မှတ်တမ်းသည်

တစ်ဦးတစ်ယောက်ထဲမှ ပြုလုပ်ထားသောမှတ်တမ်းထက် များစွာသာလွန်ကောင်းမွန်ပါသည်။

အမြဲတမ်းဖွင့်ထားရမည့်ပြတင်းပေါက် (၅) ချပ် ၊ လုပ်ဆောင်ရမည့်နည်းလမ်း (၅) သွယ်

သတင်းရှာဖွေသူအနေဖြင့် နေစဥ်လုပ်ဆောင်ရမည့် ပထမဦးဆုံးနည်းလမ်းမှာ သတင်းလောကမှာ

ဘာတွေဖြစ်နေလဲဆိုသည်ကိုသိနိုင်ဖို့အတွက် မျက်စိဖွင့် နားစွင့်နေရမည်။

သဘာဝသတင်းအရင်းအမြစ်ငါးမျိုး – ရေဒီယို ၊ ရုပ်မြင်သံကြား ၊ အင်တာနက် ၊ စာနယ်ဇင်း နှင့် လမ်းထောင့်မှလက်ဖက်ရည်ဆိုင်။ ရေဒီယိုနားထောင်ခြင်း ၊ ရုပ်မြင်သံကြား ကြည့်ခြင်း ၊ အင်တာနက်စာမျက်နှာများပေါ်တက်၍ သတင်းရှာခြင်း ၊ လတ်တလောသတင်းများကိုဖတ်ရှုခြင်း နှင့် လမ်းထောင့်လက်ဖက်ရည်ဆိုင်၊ ဒါမှမဟုတ် ကုန်စုံဆိုင်မှာ ပြောသမျှတွေကို အမြဲနားစွင့်ကာ သတင်းများနှင့်အမြဲတစေ ထိတွေ့မှုရှိနေပြီး ထိုသတင်းများကို စုဆောင်း ရယူနိုင်ရပါမယ်။ အဲဒါကြောင့် မနက်စောစောလည်းထရပါမယ် ။

ထိုနေ့စဉ်လုပ်ဆောင်ချက်များက အောက်ပါအကျိုးကျေးဇူးများကိုဖြစ်ထွန်းစေပါတယ်။

– သတင်းထောက်တစ်ဦးသည် သူ၏နေ့စဉ်မှတ်တမ်းအတွင်းသို့ အခြားသောသတင်းမီဒီယာများမှ

သတင်းများကို ထည့်သွင်းခြင်းအားဖြင့် ၎င်းရဲ့နေ့စဉ်မှတ်တမ်းဟာအမြဲတမ်းသစ်လွင် update ဖြစ်နေခြင်း ။

– မိမိ၏အရေးသားကို တခြားလုပ်ဖော်ကိုင်ဖက်သတင်းထောက်များ၏ သတင်းဆောင်းပါးများအား ရေးသား

တင်ပြပုံနှင့်နှိုင်းယှဉ်၍ ဝေဖန်သုံးသပ်ကြည့်ခြင်း။ ထိုသို့ပြုလုပ်ခြင်းဖြင့် မိမိကိုယ်ကို ဝေဖန်သုံးသပ်နိုင်မှု

စွမ်းရည်မြင့်တက်လာစေယုံသာမကပဲ မိမိကိုယ်မိမိအထင်ကြီးကျေနပ်နေမှုကိုလည်းလျော့နည်းစေခြင်း။

သတင်းအချက်အလက်စုစည်းနိုင်မှု = တန်ဖိုးပိုမိုမြင့်မားလာခြင်း

မိမိ၏လုပ်ငန်းပိုင်းဆိုင်ရာ စွမ်းဆောင်ရည်မြင့်မားတိုးတက်စေလိုတဲ့ဆန္ဒရှိသည့်သတင်းထောက်

တစ်ဦးအနေဖြင့် နေ့စဥ်လုပ်ဆောင်ရမည့် ဒုတိယနည်းလမ်းမှာ အခြားသတင်းမီဒီယာများမှ သတင်း

အချက်အလက်များကို စုစည်းရယူခြင်းပင်ဖြစ်ပါတယ်။ မိမိ၏သတင်းဆောင်းပါးအရေးအသားကို တခြား

သူများရဲ့ သတင်းဆောင်းပါးအရေးအသားများနှင့် နှိုင်းယှဉ်ကြည့်ခြင်းဖြင့် မိမိတာဝန်ယူရသောအပ်ိုင်းမှ

အကြောင်းအရာအချက်အလက်များရေးသားမှုနှင့် စပ်လျဉ်းသော အတွေးသစ်အမြင်သစ်များကို တိုးပွား

လာစေပါတယ်။ အကောင်းဆုံးသောသတင်းအချက်အလက်များက အကောင်းဆုံးသော ဆောင်းပါးတစ်စောင် ဖန်တီးပေးနိုင်ပါတယ်။နေ့အလိုက် (သို့) အကြောင်းအရာအလိုက်ခွဲခြားပြုစုထားသော သတင်းစာမှအချက်အလက်အပိုင်းအစများကို ဖြတ်တောက်ကာ စုစည်းသိမ်းဆည်းထားဖို့အတွက် ကပ်ကြေးတစ်စုံသာလိုအပ်ပါတယ်။ ထိုသို့ ပြုလုပ်ခြင်းဖြင့် သတင်းထောက်ကိုယ်ပိုင် စာကြည့်တိုက် ငယ်လေးတစ်ခု ဖန်တီးနိုင်ပြီး အရေးအသားပိုင်းဆိုင်ရာ တိုးတက်မှုကိုလည်း တဖက်တလမ်းမှ အထောက်အကူ ဖြစ်စေပါတယ်။

ရှောင်ရှားရမည့်အချက်

သတင်းထောက်တစ်ဦး၏ နေ့စဉ်မှတ်တမ်းသည် ကျမ်းစာတစ်စောင်မဟုတ်ပါ။ အမှန်တရားအကုန်လုံး ကို

မည်သည့်အခါမျှအနှစ်ချုပ်၍ မဖော်ပြနိုင်ပါ။ ပြန်ကြားရေးဌာနမှ လူတွေရဲ့ စီစဉ်ထားတဲ့ နည်းဥပဒေသ တွေကို လက်ခံလိုက်ရင်တော့သတင်းထောက်ကိုယ်တိုင် ထောင်ချောက် အမိခံလိုက်ခြင်းပဲ ဖြစ်ပါတော့ တယ်။

မေးခွန်းထုတ်ရမည့်အချက်

ကျွန်တော်ရဲ့နေ့စဉ်မှတ်တမ်းစာအုပ်မှအချက်အလက်တွေကို တကယ့်သတင်းဆောင်းပါးများအနေနဲ့

ပြောင်းလဲပစ်ဖို့ စဉ်းစားတွေးတောမိတိုင်း ကျွန်တော်ကိုယ်ကျွန်တော် နောက်ဆုံးမေးခွန်းလေး တစ်ခု

မေးမိတတ်ပါတယ်။ အဲ့ဒီမေးခွန်းကတော့ အခြားသူတွေရေးသားတဲ့ အကြောင်းအရာတွေထက် ပိုမို

ရှင်းလင်းပြတ်သားတဲ့ အကြောင်းအရာမျိုးဖြစ်အောင် ကျွန်တော့်အနေနဲ့ မည်ကဲ့သို့ထပ်လောင်းလုပ်ဆောင်

သင့်သလဲဆိုသည့် အချက်ပင်ဖြစ်ပါတယ်။